സന്തോഷം

ഉറങ്ങുമ്പോഴാണ്
എനിക്കേറ്റവും സന്തോഷം
ഞാ‍നതറിയാറില്ലങ്കിലും...

കണ്ണുതുറക്കും മുതല്‍
അടയ്ക്കും വരെ
ഭൂതഭാവിവര്‍ത്തമാന
കാലങ്ങളുടെ കേറ്റിയിറക്കങ്ങളാണ്.

ഞാനൊരു തുമ്പിയോ വേഴാമ്പലോ
ആയിരുന്നെങ്കിലെന്നു
സുഹ്രുത്തു പാടിയതു പോലെ...
മനുഷ്യനായി വേണ്ട അടുത്ത ജന്മം
ഒരു പൊട്ടക്കവിതയായ് ജനിച്ചാലും മതി...

ഉറങ്ങുമ്പോഴാണ്
എനിക്കേറ്റവും സന്തോഷം
ഞാ‍നതറിയാറില്ലങ്കിലും...

ജീവിതം

മഴയല്ല
കനത്ത വെയിലാണീ
ജീവിതം
മലയല്ല
ഉശിരന്‍
എവറസ്റ്റുതന്നെ....!!!

തപസ്സ്

എനിക്കറിയാം
നീ തപസ്സിലാണ്.
എന്റെ പ്രണയത്തിന്റെ
ഏങ്ങലടികളില്‍ നീ ഉരുവിടുന്ന
മന്ത്രങ്ങളൊക്കെയും
മുങ്ങിപ്പോകട്ടെ.....!!

എങ്കിലും
ഘോരതപസ്സില്‍ നിന്ന്
നീ ഉണര്‍ന്നെണീല്‍ക്കുമ്പോള്‍
മരിച്ചുകഴിഞ്ഞ എന്നെ ഒന്നുണര്‍ത്താന്‍ ശ്രമിക്കൂ....
നിനക്കതിനു കഴിഞ്ഞാല്‍
ഒരിക്കല്‍ക്കൂടി
എന്നെ
ഇഞ്ചിഞ്ചായ്
കൊല്ലാമല്ലോ....?????

അവള്‍ മരണമാകുന്നു

ഞാന്‍ ഒരു ജയമല്ല....
ചുവന്ന ആകാശം പോലെ എന്റെ ജീവന്‍
രക്തം വാര്‍ത്തൊഴുക്കുന്നു....
ഇടക്കൊന്നു തലയുയര്‍ത്തി ഞാന്‍...
നെടു നീളന്‍ ഫ്ലാറ്റ് ബ്രഷ് കൊണ്ടു പിറകില്‍ നിന്നും
അടിച്ചു വീഴ്ത്തി അവള്‍..!!

കൊല്ലരുതേ എന്ന്
കേണുകരഞ്ഞുഞാന്‍....
നിന്നെ കൊല്ലാതെകൊല്ലാനാ‍ണ് എന്റെ
ജീവിതമെന്നവള്‍....

വാക്കാല്‍....പ്രവര്‍ത്തിയാല്‍...
തരാത്ത ചുംമ്പനങ്ങളാല്‍ എന്നെ കൊല്ലാതെ കൊല്ലുന്നവളെ.....
മരണമാണു നീ എനിക്കു വിധിക്കുന്നതെങ്കിലും.....
കനത്ത പ്രണയമാണെന്റെയുള്ളില്‍

അരുതെന്നു ഞാന്‍ പറയുന്നില്ല.....
അരുതെന്നു നിനക്കു തോന്നും വരെ !